تخيل حالك والنبي عليه افضل الصلاة و السلام جاي يدق على بابك

 ليلة خميس💥

ذهوله وحرقة قلبه عليه الصلاة والسلام من حال الشباب والبنات

دول أحفاد الصحابة إزاي؟😔

دول اللي أنا عشت عمري عشانهم؟ إزاي؟!😞

النبي ذُهل وقال: أنا لازم أشوف حد أروح لحد بيته 🏠 أشوف هم مين دول ووصلوا كده ازاي؟

النبي عليه الصلاة والسلام اختار بيت راح ليه كان هو البيت بتاعَك أو البيت بتاعِك😳

دلوقت أهه النبي عليه الصلاة والسلام راح على البيت بتاعك وبيخبَّط✊

في اللحظة دي كنا ليلة خميس بقى وإنتِ قاعدة ماسكة في إيد قلم الروج💄 وإيد إزازة البارفان👒 وإنت قاعد في إيد المكالمة العاطفية اللي بتتكلم فيها💕 وقاعد بتشيِّت على النت وفي نفس الوقت فيه كليب على الدش شغال 💻

والنبي خبّط، جريتي، جريت🏃 بتبصوا من العين السحرية👀 لقيت واحد وشه مليان نور عليه الصلاة والسلام .. إنت مين؟😌

أنا رسول الله 💗 حبيب الله

حبيب قلبي يا رسول الله إنت جيت تزورني يا رسول الله

كنت هتموت من الفرح كنتي هتتجنني من الفرح 😍 جاي تمد إيدك تفتح الباب إيه ده يا نهار أبيض! 😱

إزاي والمكالمة اللي أنا بأتكلمها📱 والشات اللي أنا فاتحه والموقع اللي أنا فاتحه؟!😳

رميت التليفون وجريت بسرعة توطي الكليب وتقفل التليفزيون📺 عِلى أكتر قُمت شايل الفيشة بتاعة الكمبيوتر وبتاعة التليفزيون مرة واحدة🔌 جريت تفتح الباب وإنتِ بتجري تفتحي الباب إيه ده؟ الله! هأقابل النبي بشعري كده ازاي؟َ 🙆

شعري ده لسه معمول موزمبليه ده لسه طالع من الخلاط ده إنتِ هتبقي موزامبليه لو مافُقتيش والله💥 طيب أعمل إيه؟ جريتي تدوري على طرحة مافيش غير الطرحة اللسبانيش😨 طيب أعمل إيه؟ في الآخر لقيتي إيشارب ينفع إنك تلبسيه قدام النبي عليه الصلاة والسلام

جايه تجري بتفتحي الباب بفرحة وبلهفة (البنطلون اللي أنا لابساه؟!)👖😱 جريتي تدوري على أي عباية في الآخر لقيتي عباية الصلاة بتاعة والدتك

في النهاية إنتَ بتجري تفتح للنبي افتكرت الصور اللي في أوضتك😳

(لو النبي قال لك أدخل أوضتك أعمل إيه؟) جريت على الأوضة بسرعة بتشيل الصور لأول مرة تبص (مين دول؟ مين اللي أنا معلَّق صورتهم دول؟) وانت بتشيل صورة وقعت على المكتب لقيت شرايط أغاني أجنبي وعربي (إيه الأغاني الأجنبي دي؟!)🎼 أنا مش عارف معناها أصلاً أنا بأسمعها ازاي؟! طيب أعمل إيه؟ طيب أتخلص منها ازاي؟ شلت كله في صندوق الزبالة مكانه الطبيعي😏 وجريت بسرعة عشان تفتح الباب للنبي🚪

وانتِ بتجري تفتحي الباب للنبي (الماكياج الميك اب اللي أنا بقالي ساعتين قاعدة اعمله طيب أمسحه لما اجري بسرعة امسح وشي)💦

وانت بتجري تفتح للنبي وبتقفل زراير القميص وبتشد السلسة من رقبتك🚶 وانتِ أخيرًا بتجري تفتحي للنبي بعد ما شيلتي والباب كل شوية يخبط🚪 النبي عليه الصلاة والسلام خبط عليكم لغاية دلوقت 3 مرات بتوع السُنّة يا شباب سُنّة النبي عليه الصلاة والسلام💗

 بتجري افتكرتي (يا نهار أبيض!) البارفان اللي أنا حطيته ده أنا لازم أدخل استحم عشان البارفان لا الحمد لله ماكنتش لسه حطيته كانت الإزازة لسه في إيدي😌 طيب الصورة اللي في الشنطة لو النبي سألني صورة مين دي؟😞 جريتي بسرعة ترميها في الزبالة ترمي مين في الزبالة؟ جريتي تفتحي جريت تفتح🏃 فتحتوا مالقيتوش حد😳

(النبي فين؟) بتجري بتبصي من السلم بجنون (يا رسول الله) النبي لسه بينزل أهه يا حبيب الله عليك الصلاة والسلام أنا فتحت يا رسول الله ..  أنا مشتاق لك قوي يا حبيب الله، وأنا فتحت يا نبي الله💗

💕تخيل حالك والنبي في بيتك💕

النبي طلع عليه الصلاة والسلام ودخل وقعد، أول ما النبي قعد "إيه ده؟" "يا نهار أبيض! ريحة السجاير نسيت أطفي السيجارة"🚬 دي حاجة تتنسى، وفي نفس الوقت لقيت المحمول بيرن، أول مرة تحسي إن قلبك وقف من رنة المحمول دي، رنة محمول مسلم دي؟!🎼 وبعد كده بتبصي في الرقم "يااااه هو ده وقته؟! ده وقته إن الرقم ده ييجي دلوقت؟! قلبَك كان هيقف، قلبِك كان هيقف، تلغي يتصل تاني، تلغي يتصل تاني، تلغي يتصل على البيت، النبي عليه الصلاة والسلام قاعد ساكت وبعد كده النبي بص للي فى جيبك كده، وجيبك منفوخ وقال: "هات لي المصحف اللي في جيبك ده"😳 قلت له يا رسول الله يا حبيب الله، ده مش مصحف يا رسول الله، دي علبة سجاير يا رسول الله، دي علبة تدخين يا رسول الله" هتقول للنبي عليه الصلاة والسلام إيه؟ بعدها الأذان أذِّن هتنزل تصلي، إنت كل مرة بتنزل تصلي والّا هتنافق؟ ولو قلت مش نازل تصلي؛ هتكذب على النبي عليه الصلاة والسلام إزاي؟ هتعمل إيه؟ موقف رهيب💥 عارفين النبي ساعتها هيعمل إيه؟ النبي مش هيزعق لك، مش هيغضب، مش هيسيبك ويمشي، النبي هيحضنك وهيبكي، وهيبقى عينيه زي الدم من كتر الدموع وهيقول لك

📣(ده أنا اللي ضيعت عمري عشانك ده أنا -عليه الصلاة والسلام- ده أنا، أستغفر الله العظيم، ده أنا اللي أنفقت عمري عشانك، ده أنا اللي اجتهدت عمري ليل، نهار عشان إنت تطلع مسلم) 😞

ده انتِ اللي عشت حياتي عشان أنقذك من النار، طيب اشفع لكم عند ربنا ازاي؟ أشفع لكم لما تيجوا لي عند الحوض عند ربنا إزاي؟ أعمل لكم إيه؟ هأقول لكم إيه؟ أعمل لكم إيه يوميها؟" تخيلوا النبي عليه الصلاة والسلام هيبقى قلبه ساعتها شكله إيه يا جماعة؟😔

📣مستعد الليلة تتحاسب؟💥

تخيلى إن ده مش النبي

تخيلي إن ده مَلَك الموت، ملك الموت؟! 😱 آه، مش هيقف يستنى على الباب، ملك الموت مش هتلحق إنك تغير الواقع بتاعك قبل ما يدخل، ملك الموت، مش هتلحقي إنك تداري من المنكرات اللي في حياتك قبل ما يدخل💥

📢مستعدة الليلة تنزلي تحت التراب؟ الليلة؟! آه تتحاسبي؟ مستعد الليلة تتحاسب؟ مستعد الليلة تقف بين إيدين ربنا وتتحاسب على كل حاجة عملتها؟ مستعد إنك انت تُقبض روحك ليلة خميس؟ لا كله إلا الليلة دي، مااقدرش، مااقدرش الليلة دي.

📢هنفوق إمتى يا شباب؟👬

💦إلحق نفسك💦